ما قصَّرت دنياي من ضيم لضيم… هرشي نِحل والعطش يبّس عوده | أنكيدو بريس
ما قصَّرت دنياي من ضيم لضيم… هرشي نِحل والعطش يبّس عوده
  • الثلاثاء, مارس 23rd, 2021
حجم الخط

ما قصَّرت دنياي من ضيم لضيم
هرشي نِحل والعطش يبّس عوده

ضاگت عليّ يا صاحبي وانته بعيد
وحده الصبر ما خذل چفّي يگوده

جالد على عناد الوكت والايام
ربّك كريم ولا يــوشِّل جوده

ما دام رزقك بالسما لا تحتار
لا تخلّي عينك بالسهر معگودة

لا تطرق ابواب البشر وانته تشوف
بيبانهم عن حاجتك مسدودة

ولا تشكي حالك إلا يم راعي الحال
ناجي العظيم الما خِلف بوعوده

حاشاك ربي , حلمك ويا مغناك
ما ضاگت الا ورحمتك موجودة

اذنبت ادري وانته غفّار ذنوب
لكن طشاشي ما طرح محصوده

ورحمان ادري لكن بقلبي الخوف
لا روحي من يم رحمتك مطرودة

عفّرت وجهي بطاعتك وانته تشوف
چي ادري ايّام العمر معدودة

واكف على متوني التعب والأحلام
ذلّت عزيز وخلّصت باروده

ومرّت علي ساعات ما نمت الليل
ليل اليتيم الدمعته على خدوده

جفّي عفيف وحيف ينمد لعفون
ونفسي عزيزة وللأسف محسودة

شگد كدّروني اهل الغدر والارذال
شَلّو وشايج مهجتي المكرودة

وما قصّرت دنياي من ضيم لضيم
ما قصّرت بجراحها المعهودة

يا صاحبي وينك ؟ تره طالت حيل
تحتاج اگولك هاي الك مقصودة ؟

#مأمون_النطاح #مقصودة

مواضيع قد تعجبك

أترك تعليق

إستفتاء جاري حاليا

بحث في الموقع

ما رأيك فى إنطلاقة إنكيدو بريس

عرض النتائج

جاري التحميل ... جاري التحميل ...

عالم وعلم